Մեր առաքելությունը

Մեր առաքելությունը մարդկանց երջանիկ տեսնելն է, երբ նրանք գտնում են սիրած աշխատանք կամ տաղանդավոր աշխատակից

Մեր մասին

staff.am-ը ուրույն աշխատանքային հարթակ է Հայաստանում, որտեղ գործատու ընկերությունները հանդիպում են աշխատանք փնտրողների հետ` ունենալով մեկ նպատակ՝ գտնել տաղանդավոր աշխատակից կամ սիրելի աշխատանք: Staff.am-ը հայկական շուկա է ներմուծում աշխատանքի և աշխատակիցների փնտրման նոր մշակույթ` դարձնելով այդ գործընթացն ավելի դյուրին ու հետաքրքիր:

staff.am -ի գաղափարը դեռևս առաջադրվել էր 2015 թվականին, երբ ուսումնասիրելով հայկական շուկայում մարդկային ռեսուրսների կառավարման հիմնախնդիրները, անհրաժեշտություն առաջացավ ստեղծել նոր հարթակ, որը կհանդիսանար ոչ թե ևս մեկ աշխատանքային պորտալ, որտեղ ընկերությունները տեղադրում են աշխատանքի հայտարարություններ, իսկ աշխատանք փնտրողները դիմում էլեկտրոնային փոստով, այլ վայր, որտեղ գործատուները իրենք են փնտրում պոտենցիալ աշխատակիցներ, իսկ աշխատանք փնտրողները դիմում հայտարարված աշխատանքներին առցանց staff.am-ի միջոցով:

staff.am-ը առաջարկում է անհատական մոտեցում յուրաքանչյուրին. անհատների անվճար գրանցում, աշխատանքի հրավերներ անմիջապես staff.am-ում գրանցված ընկերությունների կողմից, անհատի CV-ի մեջ ներառված հմտությունների և գիտելիքների գնահատման համակարգ և պոտենցիալ աշխատակիցների մեծաքանակ տվյալներ, ճկուն գնային փաթեթներ գործատու ընկերությունների համար և այլն։

Մենք ներկայացել ենք շուկայում 2016թ․ օգոստոս ամսին՝ առաջարկելով հետաքրքիր լուծումներ աշխատանքի, և աշխատակիցների փնտրման համար, սակայն ամեն ինչ դեռ առջևում է և մենք շարունակելու ենք ներկայացնել նոր հնարավորություններ ուղղված աշխատաշուկայի զարգացմանը:

Գրանցվեք staff.am-ում այսօր և օգտվեք բոլոր հնարավորություններից մեկ հարթակում:

Հետևեք մեզ սոցիալական ցանցերում մեր նորություններին առաջինը ծանոթանալու համար։