Ասպիրանտուրայի ուսումնառություն (կրթաթոշակ՝ տրամադրված Սոֆթ Կոնստրակտ ՓԲԸ-ի կողմից)

Deadline: 05 June 2024

Employment term: Other

Category: Economics

Job type: Full time

Location: Yerevan

Job description:

Սոֆթ Կոնստրակտ ՓԲԸ-ի կողմից ՀՖՀՀ-ում (Հայաստան) և ֆրանսիական համալսարանում (Ֆրանսիա) ասպիրանտուրայի ուսումնառության համար տրամադրված կրթաթոշակ:

Մասնագիտություն՝ Տնտեսության, նրա ոլորտների տնտեսագիտություն և կառավարում

Տևողությունը՝ 3 տարի՝ 2024թ.-ի սեպտեմբերից սկսած

Ատենախոսության գրելու և պաշտպանության լեզուն՝ ֆրանսերեն

Ուսուցման վայրը՝ ՀՖՀՀ, Հայաստան

Job responsibilities

Տնտեսության, նրա ոլորտների տնտեսագիտության և կառավարման գծով ատենախոսության թեմայի անվանումը պետք է կապված լինի հետևյալ ուղղությունների հետ՝

Մեքենայական ուսուցման (Machine Learning) մեթոդները կառավարումում և/կամ ֆինանսներում:
Արհեստական բանականության և տվյալների պեղման մեթոդների կիրառությունները մարքեթինգում:

Ասպիրանտուրայի ուսումնառության կազմակերպումը

1.1. Ասպիրանտը գրանցվում է ֆրանսիական գործընկեր համալսարանում, որտեղ նրա համար նշանակվում է գիտական ղեկավար: Հայաստանում ֆրանսիական համալսարան հիմնադրամից (ՀՖՀՀ) կարող է նշանակվել համաղեկավար, որի առաքելությունը ասպիրանտի ղեկավարումն է Հայաստանում:

1.2. Ասպիրանտը գրանցվում է Ֆրանսիայում իր գիտական ղեկավարի գիտահետազոտական ինստիտուտում, կատարում և հրատարակում է գիտահետազոտական աշխատանքներ, օգտվում է ֆրանսիական գործընկեր համալսարանի գիտահետազոտական բոլոր ռեսուրսներից:

1.3. Հնարավորության դեպքում ասպիրանտը տարեկան մի քանի շաբաթ շարունակաբար (1 տարվա ընթացքում առավելագույնը 45 օր) գործուղվում է Ֆրանսիայի գործընկեր համալսարան՝ գիտական ղեկավարի հետ աշխատելու, գործընկեր համալսարանի հետազոտական աշխատանքներին և գիտական հրապարակումներին մասնակից լինելու համար:

1.4. Ասպիրանտը ՀՖՀՀ-ում պետք է իրականացնի գիտահետազոտական աշխատանք և ներգրավվում է մանկավարժական գործընթացում. դասավանդում, մասնակցություն տարբեր մանկավարժական նախագծերի:

1.5. Յուրաքանչյուր տարի ասպիրանտը պետք է 64 ժամ դասավանդի առանց լրացուցիչ վարձատրության, որի համար համապատասխան ֆակուլտետի դեկանը պետք է դասավանդման պահանջարկ արձանագրի: Եթե դասավանդած ժամերի քանակը գերազանցում է 64 ժամը, ասպիրանտը վճարվում է ՀՖՀՀ սովորական դրույքաչափով: Տարվա ընթացքում Ասպիրանտի կողմից դասավանդվող ժամերը չեն կարող գերազանցել ընդհանուր 100 ժամը:

1.6. Մանկավարժական գործընթացում իր ներգրավվածության շրջանակում ասպիրանտը ստուգում է իր ուսանողների քննական աշխատանքները (առանց լրացուցիչ վարձատրության 1.5. դրույթում նշված 64 ժամերի շրջանակներում):

Required candidate level: Senior

Additional information

Հայտերի ընդունում

Ասպիրանտուրա ընդունվելու դիմումները պետք է ներկայացվեն մինչև ս.թ. հունիս 6-ը, ժամը 12:00՝ ՀՖՀՀ Ֆինանսների և Մարքեթինգի ֆակուլտետների վարչական պատասխանատու Աննա Բուղդարյանին (ap_finances@ufar.am):

Պահանջվող փաստաթղթերն են.

Հետազոտության թեման և ասպիրանտուրայում սովորելու ցանկությունը հիմնավորող մոտիվացիոն նամակ ֆրանսերեն կամ անգլերեն լեզվով,
1 լուսանկար,
Ինքնակենսագրություն ֆրանսերեն լեզվով,
Հրապարակված գիտական աշխատանքների պատճենները /եթե առկա են/, ինչպես նաև դրանց ամփոփումը ֆրանսերեն լեզվով, եթե այլ լեզվով են,
Կատարած հետազոտական աշխատանքի կամ դրա բացակայության պարագայում ուսումնառության ընթացքում իրականացված դիպլոմային աշխատանքի պատճենը՝ դիմորդի խմբագրական հմտությունները պարզելու համար,
Բարձրագույն ուսումնական հաստատությունում ուսումնառության ընթացքում ստացած գնահատականների ամփոփագիրը,
Բարձրագույն կրթության առկայությունը հավաստող դիպլոմների պատճենները,
Ֆրանսերենի իմացության ընդհանուր եվրոպական շրջանակի B2 մակարդակի հավաստագրի պատճենը,
Երաշխավորագիր նամակներ (կարող են կցվել դիմումին դիմորդի ցանկությամբ):

Ներկայացված փաստաթղթերի հիման վրա ընտրված թեկնածուները կհրավիրվեն հարցազրույցի:

Տեղեկատվություն ստանալու համար հարցերը ուղղվում են ՀՖՀՀ հետազոտությունների պատասխանատու Արամ Եսայանին (էլ. հասցե.՝ respch_math_stat@ufar.am) կամ ՀՖՀՀ Ֆինանսների և Մարքեթինգի ֆակուլտետների վարչական պատասխանատու Աննա Բուղդարյանին (էլ. հասցե.՝ ap_finances@ufar.am, հեռ.՝ 060 27 96 61):

Please clearly mention that you have heard of this job opportunity on staff.am

Professional skills

Research

Machine Learning

Economics

Artificial Intelligence

Soft skills

Teamwork

Personal discipline

learning ability

Teaching skills

Apply with Email

Share this job via your favorite social media channel.

About Company

Հայաստանում ֆրանսիական համալսարանը (ՀՖՀՀ) բարձրագույն ուսումնական հաստատություն է, որը ստեղծվել է Հայաստանի և Ֆրանսիայի կառավարությունների կողմից 1995թ. մշակութային, գիտական և տեխնիկական համագործակցության շրջանակներում:

Հիմնադիրները՝ Հայաստանի Հանրապետության արտաքին գործերի ու կրթության և գիտության նախարարությունները, Ֆրանսիայի արտաքին գործերի և միջազգային զարգացման նախարարությունը, Հայաստանում Ֆրանսիայի դեսպանությունն այսպիսով կարևորել են հայ երիտասարդների դաստիարակության և կրթության գործը՝ ի շահ Հայաստանի և պատմականորեն երկու երկրների միջև հաստատված բարեկամական հարաբերությունների զարգացման:

Համալսարանի հոգաբարձուների խորհրդում ներգրավված են Հայաստանի ու Ֆրանսիայի արտաքին գործերի, ՀՀ կրթության և գիտության նախարարությունների, Հայաստանում Ֆրանսիայի դեսպանության ներկայացուցիչներ: Հոգաբարձուների խորհրդի նախագահի ժամանակավոր պաշտոնակատարն է Հայաստանում Ֆրանսիայի դեսպան Անն Լույոն:

Ըստ Հայաստանում ֆրանսիական համալսարանի կանոնադրության` ռեկտորը պետք է ֆրանսիացի լինի: 2020թ. սեպտեմբերի 20-ին ՀՖՀՀ ռեկտոր է նշանակվել պրոֆեսոր Բերտրան Վենարը։ Ուսումնական մասը ղեկավարում է տիկին Զարուհի Սողոմոնյանը:

ՀՖՀՀ-ի ակադեմիական գործընկերը Ժան Մուլեն Լիոն 3 համալսարանն է: 2018թ.-ից ի վեր ՀՖՀՀ-ն ակադեմիական համագործակցություն է սկսել նաև Թուլուզ 3 Պոլ Սաբատիե համալսարանի հետ՝ ինֆորմատիկայի և կիրառական մաթեմատիկայի ֆակուլտետի ստեղծման շրջանակում։

ՀՖՀՀ-ի տեսլականն է դառնալ Կովկասում բարձրագույն կրթության առաջատար և արտասահմանում ֆրանսիական օրինակելի համալսարան:

ՀՖՀՀ-ի ռազմավարական առաքելությունն է կրթել անաչառ, պատասխանատու և լայն աշխարհայացք ունեցող ղեկավարներ:

Facebook - https://www.facebook.com/ufarofficial

Instagram - https://www.instagram.com/ufarofficial/

Twitter - https://twitter.com/ufarofficial

Linkedin - https://www.linkedin.com/company/ufar-official

Youtube - https://www.youtube.com/channel/UCGoyGhMzlVcYQ-GpaQYJx4w/featured