Ameriabank CJSC

Աշխատանքի նկարագրություն՝

Պատասխանատվություն համապատասխան սքվոդի խնդիրների սահմանման համար՝ կատարման ենթակա աշխատանքների կառավարման և ընթացիկ առաջնահերթությունների սահմանման առումով, ներառյալ՝ հաճախորդների կարիքներին բավարարող պրոդուկտների թողարկումը թրայբի նպատակների իրագործման համար, սահմանելով սքվոդի առջև դրված խնդիրների նկատմամբ պահանջները (պատմությունները) և դրանց առաջնահերթությունը:

/am/prodowkti-pataskhanatow-3

Աշխատանքային պարտականություններ

• Առաջնորդել պրոդուկտի ռազմավարության մշակումն ու իրականացումը
• Մշակել և կառավարել պրոդուկտի ճանապարհային քարտեզը, աշխատանքների ժամանակացույցը և բյուջեն
• Սահմանել պրոդուկտին ներկայացվող պահանջները
• Վարել սքվոդի կողմից կատարման ենթակա աշխատանքների ցանկը, ապահովել դրանում օգտատերերի նոր պահանջների և առաջադրանքների լրացումը և ցանկի պարբերական թարմացումը
• Սահմանել գործառույթների և աշխատանքների կատարման առաջնահերթությունը` կազմակերպելով հանդիպումներ սքվոդի բոլոր անդամների հետ՝ կատարման ենթակա աշխատանքների առաջնահերթությունը որոշելու նպատակով
• Մասնակցել թրայբի ընդհանուր հանդիպմանը` սահմանված առաջնահերթությունները հաստատելու և պահանջները հստակեցնելու նպատակով
• Ապահովել պրոդուկտի համապատասխանությունը հաճախորդների կարիքներին և բիզնես նպատակներին
• Աջակցել սքվոդի բոլոր միջոցառումների իրականացմանը
• Համագործակցել այլ սքվոդերի և թրայբերի հետ՝ սքվոդերի աշխատանքների սինքրոնացման շրջանակներում, տարբեր սքվոդերի փոխկապակցված առաջադրանքներն իրականացնելու համար
• Շփվել գործընկերների/շահագրգիռ կողմերի հետ
• Կառավարել հարաբերությունները գործընկերների/շահագրգիռ կողմերի հետ
• Սահմանել սքվոդի համար անհրաժեշտ կարողությունները` թրայբի/ստորաբաժանման ղեկավարի հետ համատեղ
• Յուրաքանչյուր ընդհանուր հանդիպման ավարտին հետադարձ կապ տրամադրել սքվոդի բոլոր անդամներին

Անհրաժեշտ հմտություններ

Մասնագիտական կարողություններ

• Բարձրագույն կրթություն տնտեսագիտության, ֆինանսական կամ տեղեկատվական տեխնոլոգիաների ոլորտում
• Բիզնեսի զարգացման հիմնական լծակների և ոլորտի միտումների լավ իմացություն
• Համապատասխան ոլորտում/պրոդուկտի/հաճախորդների հատվածի հետ կապված աշխատանքային փորձ և խորացված գիտելիքներ
• Բանկային տեխնոլոգիաների հետ կապված բարդ, բազմաֆունկցիոնալ նախագծերին մասնակցության կամ իրականացման փորձ
• Պրոդուկտների մշակման և կառավարման խորացված գիտելիքներ
• Agile մեթոդոլոգիաների լավ իմացություն
• Հաճախորդների համար արժեքային առաջարկներ մշակելու և որպես «հաճախորդի ձայն» հանդես գալու ունակություն

Հմտություններ

• Ոչ հիերարխիկ և համագործակցային մոտեցում սքվոդի այլ անդամների հետ շփվելիս
• Տարբեր մարդկանցից, այդ թվում` տեխնիկական մասնագետներից, բաղկացած սքվոդը ղեկավարելու ունակություն
• Փորձերի և տվյալների վրա հիմնված որոշումների կայացման սկզբունքներով առաջնորդվող նորարարության մշակույթ ստեղծելու ունակություն
• Անալիտիկ մտածելակերպ և նոր լուծումներ գտնելու ունակություն
• Կառուցողական և հաճախորդակենտրոն մտածողություն
• Հարմարավետության գոտուց դուրս աշխատելու և սովորելու, սքվոդում նման վարքագիծ սերմանելու ունակություն
• Առաջնորդության և ուղղորդման հմտություններ
• Հաղորդակցման զարգացած հմտություններ
• Փոփոխություններ ընդունելու պատրաստակամություն և Agile արժեքների և սկզբունքների տարածում

Հայերենի գերազանց, ռուսերենի և անգլերենի լավ իմացություն

Պահանջվող թեկնածուի մակարդակը: Ավագ

Լրացուցիչ տեղեկություն