“MÉDECINS DU MONDE” Association - Representation in Armenia

Աշխատանքի նկարագրություն՝

«Աշխարհի բժիշկներ-Ֆրանսիա» միջազգային բժշկական մարդասիրական հասարակական կազմակերպությունը Հայաստանում Լեռնային Ղարաբաղից տեղահանված խոցելի բնակչությանը հրատապ օգնություն ցուցաբերելու ծրագրի շրջանակներում աշխատանքի է հրավիրում բուժաշխատողի՝ Աշտարակի գրասենյակի համար։

/am/arhoghjapahowtyan-olorti-pataskhanatow-3

Աշխատանքային պարտականություններ

Գլխավոր առաքելությունը՝

Անցկացնել բժշկական խորհրդատվություն և բարելավել բուժման որակը: Կազմակերպել վերապատրաստման դասընթացներ «Աշխարհի բժիշկներ»-ի և/կամ առաջին բուժօգնություն ցուցաբերող գործընկերների համար և զարգացնել նրանց հմտությունները:

Հիմնական պարտականություններ՝

• Բժշկական տեսակավորման՝ տրիաժի, իրականացման վերահսկում,
• Շահառուների անձնական գործերի վարում, թարմացում և մշտադիտարկում,
• Խորհրդատվությունների, բժշկական խնամքի տրամադրում,
• Պրոտոկոլների և ընթացակարգերի կիրառում,
• Շահառուներին խորհրդատվության, անհրաժեշտ տեղեկատվության տրամադրում և մշտադիտարկում,
• Շահառուների ուղեգրերի տրամադրման կազմակերպում և դրանց առնչվող հետագա գործողությունների իրականացում,
• Գործունեության համար անհրաժեշտ նյութերի, սարքավորումների և սպառվող նյութերի օգտագործման վերահսկում,
• Գործունեության համար անհրաժեշտ առաջին օգնության հավաքածուների վերահսկում,
• Բժշկական և սոցիալական հարցերով զբաղվող թիմերի անդամներին տեղեկատվության տրամադրում և դիտարկումների վերաբերյալ զեկուցում,
• Առողջապահական համակարգի և/կամ «Աշխարհի բժիշկների» համայնքի բժիշկներին և/կամ գործընկերներին առողջապահական պրոտոկոլների և գործելակերպի վերաբերյալ շարունակական վերապատրաստման դասընթացների կազմակերպում,
• «Աշխարհի բժիշկների» և/կամ մեր գործընկերների, տարածքային աշխատողների, շահառուների և այլոց համար առողջապահության վերաբերյալ ուսուցողական հանդիպումների կազմակերպում,
• Նյութերի և սարքավորումների մաքրման և մանրէազերծման աշխատանքների վերահսկում,
• Տվյալների հավաքագրում և հաշվետվությունների պատրաստում,
• Մասնակցություն և ներդրում բժշկական թափոնների կառավարման մեջ,
• Աջակցություն «Աշխարհի բժիշկների» ներկայացմանը գործընկերների և առողջապահական ոլորտի մարմինների հետ հարաբերություններում։

Անհրաժեշտ հմտություններ

Հիմնական հմտություններ`

• Ընդհանուր պատկերացում ունենալ բժշկական օգնության, հիգիենայի, ասեպսիսի, պատվաստումների և սննդի հետ կապված միջազգային բժշկական չափանիշների վերաբերյալ,
• Հայտնաբերել ախտանիշները, ծանոթանալ այն միջավայրին, որտեղ ապրում է հիվանդը, անցկացնել կլինիկական հետազոտություն և գնահատել կարիքները,
• Հասկանալ հիգիենայի, ինչպես նաև նյութերի և սարքավորումների մաքրման և մանրէազերծման վերաբերյալ պրոտոկոլները և ընթացակարգերը,
• Աշխատել թիմում,
• Կազմել մասնագիտական զեկույցներ, հավաքել և վերլուծել տվյալներ, կազմակերպել, դասակարգել և հաղորդել տեղեկությունները,
• Բացահայտել վերապատրաստման հետ կապված կարիքները, ինչպես նաև ստեղծել և վարել վերապատրաստան մոդուլներ,
• Կազմակերպել միջոցառումներ,
• Իրականացնել առողջապահության ուսուցման և կրթական միջոցառումներ,
• Համապատասխան մոտեցում ցուցաբերել մշակութային և սոցիալական համատեքստերում: Բացահայտել և հասկանալ տվյալ հասարակության նորմերը, սովորույթները և գործելակերպը։

Պահանջվող կրթություն և նախկինում ձեռք բերած մասնագիտական փորձ՝

• Բժշկական կրթություն
• Երկու տարվա աշխատանքային փորձ

Պահանջվող թեկնածուի մակարդակը: Չսահմանված

Լրացուցիչ տեղեկություն