Ավագ բժիշկ փորձագետ

Վերջնաժամկետ՝ 14 Հունիս 2024

Աշխատանքի պայմաններ՝ Մշտական

Կատեգորիա՝ Առողջապահություն/Դեղագործություն

Աշխատանքի տեսակը՝ Ամբողջ դրույք

Գտնվելու վայրը՝ Երևան

Աշխատանքի նկարագրություն՝

ԻՆԳՈ-ն խոշորագույն ապահովագրական ընկերություններից մեկն է, որը տարիներ շարունակ շուկայում զբաղեցնում է կայուն առաջատար դիրք: ԻՆԳՈ-ում այս պահին առկա է ավագ բժիշկ-փորձագետի թափուր հաստիք, որը կարևոր տեղ է զբաղեցնում բժշկական և ապահովագրական ոլորտների հատման դաշտում։ Բժիշկ-փորձագետը պատասխանատու է իրեն կցված ապահովագրված անձանց առողջական վիճակի մոնիթորինգի, նրանց հիվանդանոցային և արտահիվանդանոցային բուժման կազմակերպման, դրանց ֆինանսական և որակական վերահսկման համար:

Աշխատանքային պարտականություններ

Ապահովագրված անձանց կողմից ներկայացված դիմումների և բժշկական փաստաթղթերի բժշկական և ապահովագրական փորձաքննություն։
Ապահովագրված անձանց դիմումների քանակական և որակական վերլուծություն։
Ապահովագրված անձանց հետ՝ բժշկական և ապահովագրական թեմաներով պարբերաբար կազմակերպվող հանդիպումների նախաձեռնում և իրականացում։
Բժշկական նշանակումների ճշգրտության և դրանց՝ արդի արձանագրերին համապատասխանության ստուգում։
Բժշկական հաստատությունների հետ համագործակցություն։
Ապահովագրված անձանց կողմից ստացված հեռախոսազանգերի սպասարկում։
Ապահովագրական պայմանագրերի գերազանց իմացություն և դրանց բովանդակության մատչելի մեկնաբանում հաճախորդներին։
Ապահովագրված անձանց բուժման համար հավաստիքների տրամադրում բժշկական հաստատություններին։
Կանխարգելիչ բժշկական ստուգումների կազմակերպում, դրանց արդյունքների վերլուծություն և համապատասխան խորհուրդների տրամադրում Ապահովագրված անձանց։
Անմիջական ղեկավարի հանձնարարությամբ այլ պարտականությունների իրականացում։