Հիմնանորոգման ծրագրերի կառավարման բաժնի ինժեներ
Վերջնաժամկետ՝ 01 Մայիս 2024
Աշխատանքի պայմաններ՝ Մշտական
Կատեգորիա՝ Շինարարություն
Աշխատանքի տեսակը՝ Ամբողջ դրույք
Գտնվելու վայրը՝ Երևան
Աշխատանքի նկարագրություն՝
«Ճանապարհային դեպարտամենտ» հիմնադրամը /ՃԴ/ Հայաստանի Հանրապետության կառավարության կողմից ստեղծված հիմնադրամ է, որն իրականացնում է միջազգային և բյուջետային ծրագրեր Հայաստանի Հանրապետության միջպետական և հանրապետական նշանակության ճանապարհներին: Հիմնականում ՃԴ-ն իրականացնում է ՀՀ միջպետական և հանրապետական նշանակության ճանապարհների հիմնանորոգման, վերակառուցման, կառուցման և ՀՀ միջպետական և հանրապետական նշանակության ավտոճանապարհների պահպանման և շահագործման գործընթացների ապահովման մասով պատասխանատու ստորաբաժանմանը վերապահված գործառույթներ։ ՃԴ-ն պատասխանատու է նաև Հյուսիս-Հարավ ճանապարհային միջանցքի ներդրումային ծրագրի իրականացման համար:
/am/himnanorogman-tsragreri-karhavarman-bazhni-inzhener
Աշխատանքային պարտականություններ
- Մշակում է նախագծային, շինարարական, տեխնիկական և հեղինակային հսկողության պատվիրման համար անհրաժեշտ տեխնիկական առաջադրանքների նախագծեր, գնման հրավերների տեխնիկական հատվածներ, ուսումնասիրում է նախագծերի նախապատրաստման փուլում ներկայացվող նախագծանախահաշվային փաստաթղթեր, ստուգում և համեմատում է դրանց համապատասխանությունը ՀՀ-ում գործող նորմերի, տեխնիկական բնութագրերի պահանջներին (առաջադրանքի) և ներկայացնում համապատասխան առաջարկություն դրանց վերաբերյալ:
- Մշակում է գնման հայտերի /մրցույթային փաստաթղթերի/ տեխնիկական հատվածներ՝ տեխնիկական բնութագրեր, տեխնիկական մասնագրեր, աշխատանքների ամփոփագրեր, ծավալաթերթեր և այլն:
- Շինարարական աշխատանքների ընթացքում կատարում է այցելություններ շինարարական օբյեկտներ (շինարարության, ինչպես նաև թերությունների վերացման երաշխիքային ժամանակահատվածի ընթացքում), հետևում է շինարարական աշխատանքների առաջընթացին, պատրաստում է ամսեկան, եռամսյակային, տարեկան և այլ /ըստ անհրաժեշտության/ հաշվետվություններ:
- Ուսումնասիրում է շինարարական աշխատանքներ իրականացնող կապալառուների, նախագծանախահաշվային փաստաթղթեր պատրաստող, տեխնիկական հսկողության ծառայություններ մատուցող կազմակերպությունների (ընկերությունների) կողմից առաջարկված նախագծային փոփոխությունները և ներկայացնում համապատասխան դիտողություններ ու առաջարկություններ դրանց վերաբերյալ:
- Ուսումնասիրում է տեխնիկական հսկողություն իրականացնող կազմակերպությունների (ընկերությունների) կողմից հաստատված շինարարական աշխատանքների կատարողական ակտերը և ներկայացնում համապատասխան դիտողություններ և առաջարկություններ դրանց վերաբերյալ:
- Ուսումնասիրում է նախագծային կազմակերպությունների (ընկերությունների) կողմից ներկայացված հաշվետվություններ, գծագրեր, տեխնիկական մասնագրեր, աշխատանքների ծավալաթերթեր, նախահաշիվներ, տեխնիկա-տնտեսական վերլուծություններ և ներկայացնում համապատասխան առաջարկություններ և դիտողություններ դրանց վերաբերյալ:
- Ուսումնասիրում է տեխնիկական հսկողության կազմակերպությունների (ընկերությունների) կողմից ներկայացված հաշվետվությունները և ներկայացնում համապատասխան առաջարկություններ և դիտողություններ դրանց վերաբերյալ:
Անհրաժեշտ հմտություններ
- Բարձրագույն մասնագիտական կրթություն՝ քաղաքացիական և արդյունաբերական շինարարություն, տրանսպորտային ուղիների (ենթակառուցվածքների) շինարարություն, կառավարում և շահագործում մասնագիտությունների գծով:
- Մասնագիտական առնվազն 3 տարվա փորձառություն, որից առնվազն 1 տարվա տրանսպորտային ուղիների (ենթակառուցվածքների) շինարարության ծրագրերում աշխատանքային փորձառություն:
- Իր պարտականությունների կատարման համար անհրաժեշտ ՀՀ իրավական ակտերի իմացություն, ՀՀ-ում գործող Ճանապարհաշինական նորմերի և ստանդարտների բավարար իմացություն:
- Հայերեն լեզվի գրավոր և բանավոր հաղորդակցության գերազանց, ռուսերեն լեզվի լավ իմացություն, անգլերեն լեզվի բավարար իմացությունը ցանկալի է:
- MS Offce ծրագրային փաթեթով աշխատելու հմտություն:
- Թիմային աշխատանքի ունակություն և հաշվետվությունների պատրաստման հմտություններ:
Պահանջվող թեկնածուի մակարդակը: Ավագ
Լրացուցիչ տեղեկություն
Ինքնակենսագրականը և մոտիվացիոն նամակը կարելի է ուղարկել նաև (պորտֆոլիո, այլ տեղեկություններ և/կամ երախշավորագիր, եթե առկա են) info@armroad.am. Էլեկտրոնային հասցեին:
Մասնագիտական հմտություններ
Շինարարական վերահսկողություն
Անձնական հմտություններ
Անկախ աշխատելու հնարավորություններ
Առաջնահերթությունները որոշելու կարողություն
Գրավոր հաղորդակցության հմտություններ
Դրական վերաբերմունք
Ժամանակի կառավարում
Խնդիրների լուծում
Ճկունություն
Նպատակասլաց
Թիմում աշխատելու ունակություն
Անձնական կարգապահություն
Տարածեք այս հայտարարությունը սոց․ մեդիայի միջոցով։
Ընկերության մասին
ՀՀ կառավարության 6 օգոստոսի 2021թ. թիվ 1298-Ա որոշմամբ «Ճանապարհային դեպարտամենտ» պետական ոչ առևտրային կազմակերպությունը (պետական գրանցման համարը՝ 286.210.945286) վերակազմավորման ձևով վերակազմակերպվել է «Ճանապարհային դեպարտամենտ» հիմնադրամի։
+++
ՀՀ կառավարության 26.12.2019թ. «Տրանսպորտային ծրագրերի իրականացման կազմակերպություն» պետական ոչ առևտրային կազմակերպությունը վերանվանելու և Հայաստանի Հանրապետության կառավարության 2016 թվականի դեկտեմբերի 15-ի թիվ 1304-Ա որոշման մեջ փոփոխություններ կատարելու մասին» թիվ 1969–Ա որոշմամբ «Տրանսպորտային ծրագրերի իրականացման կազմակերպություն» պետական ոչ առևտրային կազմակերպությունը վերանվանվել է «Ճանապարհային դեպարտամենտ» պետական ոչ առևտրային կազմակերպության: Կազմակերպությունը «Տրանսպորտի ծրագրերի իրականացման գրասենյակ» պետական հիմնարկի և «Հյուսիս-հարավ ճանապարհային միջանցքի ներդրումային ծրագրի իրականացման կազմակերպություն» պետական ոչ առևտրային կազմակերպության իրավահաջորդն է:
Հիմնադրամի գործունեության հիմնական առարկան և նպատակը Հայաստանի Հանրապետությունում ճանապարհաշինության ոլորտի ծրագրերի արդյունավետ իրականացման ապահովումն է:
Հիմնադրամի գործունեության հիմնական ոլորտներն են՝ ՀՀ կառավարության կողմից հավանության արժանացած` ՀՀ տարածքային կառավարման և ենթակառուցվածքների նախարարության ու տարածքային կառավարման մարմինների կողմից մշակված` ճանապարհաշինության ոլորտի կապիտալ և զարգացման (Հայաստանի Հանրապետության պետական բյուջեի) և օտարերկրյա պետությունների ու միջազգային վարկատու կազմակերպությունների կողմից Հայաստանի Հանրապետությանը տրամադրվող միջոցների հաշվին մշակված ծրագրերի ու աշխատանքների իրականացումը:
Կոնտակտներ
Վեբ կայք https://armroad.am/am
Հեռախոսահամար` +37410511391 (287)
Հասցե՝ Կառավարական տուն 3, Երևան, Հայաստանի Հանրապետություն