Աշխատանքի նկարագրություն՝

Ընկերության և աշխատանքի մասին՝

Մենք նախագծում, ֆինանսավորում և ստեղծում ենք բարձրակարգ և նորարարական քաղաքաշինական նախագծեր՝ կերտելով ապրելակերպի նոր ստանդարտներ: 2002թ.-ից՝ հիմնադրումից ի վեր, Ռենշինը առանցքային դեր է խաղում Հայաստանի անշարժ գույքի շուկայի զարգացման գործում ՝ փոխակերպելով և թարմություն բերելով ոլորտին։

Առաքելություն ունենք ստեղծելու քաղաքաշինական արժեքներ, որոնք մարմնավորում են ապագայի ժառանգությունը և ձևավորում ապրելակերպ։ Իրականացված յուրաքանչյուր նախագծով մենք վերափոխում ենք Երևանի քաղաքաշինական պատկերը՝ սահմանելով ավելի բարձր նշաձող անշարժ գույքի շուկայում:

Այժմ Ռենշինը համալրում է թիմը, փնտրում ենք Վաճառքի բաժնի մասնագետ, ով պատասխանատու կլինի ընկերության ներկա և պոտենցիալ հաճախորդների հետ հարաբերությունների հաստատման և վաճառքի գործընթացների իրականացման համար:

/am/vacharhki-bazhni-masnaget-9

Աշխատանքային պարտականություններ

Կատարողականի հիմնական նպատակներն են՝

1. Հնարավոր հաճախորդների բացահայտում և հարաբերությունների հաստատում:

2. Վաճառքի բաժնի և այլ ստորաբաժանումների համագործակցության ապահովում և վարչական առաջադրանքների իրականացում:

1. Հնարավոր հաճախորդների բացահայտում և հարաբերությունների հաստատում: Մասնագետը պատասխանատվություն է կրում տարբեր ուղիներով բացահայտելու հնարավոր նոր հաճախորդների և վաճառքի գործիքների միջոցով հարաբերություններ հաստատելու համար:
Հիմնական պարտականությունները ենթադրում են՝

▸ Հավաքագրել և կառավարել հավանական գնորդների տվյալների բազան:
▸ Իրականացնել շարունակական հետազոտություն՝ բացահայտելու շուկայի նոր միտումները:
▸ Ուսումնասիրել վաճառքի գործիքների նոր հնարավորությունները և միտումները:
▸ Կառուցել հարաբերություններ հավանական հաճախորդների հետ՝ հասկանալու վերջիններիս կարիքներն ու նախասիրությունները:
▸ Իրականացնել վաճառքի ենթակա գույքային միավորներում շրջայցեր հավանական հաճախորդների հետ՝ տրամադրելու լիարժեք պատկերացումներ և օգնելու նրանց որոշումներ կայացնելու հարցում:
▸ Ժամանակին և արդյունավետ կերպով բանակցել և փակել գործարքները՝ ապահովելով հաճախորդների գոհունակությունը ողջ գործընթացում:

2. Վաճառքի բաժնի և այլ ստորաբաժանումների համագործակցության ապահովում և վարչական առաջադրանքների իրականացում: Մասնագետը պատասխանատվություն է կրում պատրաստելու և ներկայացնելու վաճառքի առաջարկներ և համակարգելու հարաբերությունները բոլոր շահագրգիռ կողմերի հետ:
Հիմնական պարտականությունները ենթադրում են՝

▸ Պահպանել հաճախորդների հետ պայմանավորվածությունների, գործարքների և պայմանագրերի ճշգրիտ գրառումներ համապատասխան CRM համակարգում:
▸ Կազմել ընկերության ներքին կանոնակարգերով նախատեսված հաշվետվություններ:
▸ Պատրաստել և ներկայացնել վաճառքի առաջարկներ և պայմանագրեր հաճախորդների համար:Վաճառքի բաժինը պայմանագրեր չի պատրաստում
▸ Համակարգել հարաբերությունները բոլոր շահագրգիռ կողմերի հետ, ինչպիսիք են ընկերության մյուս ստորաբաժանումները, բանկերը, փաստաբանները և այլոք։

Անհրաժեշտ հմտություններ

Հիմնական պահանջվող հմտութուններն են՝ հաղորդակցման և բանակցություններ վարելու գերազանց հմտություններ, նպատակաուղղվածություն՝ մրցակցային շուկայում հաջողելու համար և, իհարկե, անգլերեն և ռուսերեն լեզուների գերազանց իմացություն արտասահմանյան հաճախորդների հետ համագործակցելու համար։

Պահանջվող թեկնածուի մակարդակը: Կրտսեր

Լրացուցիչ տեղեկություն