«Այբ» կրթական հիմնադրամ

Աշխատանքի նկարագրություն՝

Հաղորդակցության մասնագետը պետք է նպաստի «Այբ»-ի տարբեր համայնքների, շահառուների ու լսարանների հետ արդյունավետ հաղորդակցության ապահովմանը և կառույցի դրական վարկանիշի ամրապնդմանը։ Ընդհանուր ռազմավարությունից ելնելով՝ ակնկալում ենք, որ մասնագետը կստեղծի որակյալ բովանդակություն՝ հաղորդագրություններ, հաջողության պատմություններ, սոցիալական մեդիայի հարթակների համար տեղեկատվական և գրավիչ տեքստեր, կնախաձեռնի հանրային կապերի բարելավմանը նպաստող տարբեր միջոցառումներ և արշավներ՝ կազմակերպելով դրանց արդյունավետ իրականացումն ու ապահովելով նպատակային լսարանին հասանելիությունը։

/am/haghordaktsowtyan-masnaget-10

Աշխատանքային պարտականություններ

• Մասնակցել հասարակության և «Այբ» համայնքի տարբեր խմբերի հետ հարաբերությունները պահպանելուն ու զարգացնելուն միտված հաղորդակցության ռազմավարության մշակմանը
• Առանձին նախագծերի կամ միջոցառումների համար մշակել հաղորդակցության ռազմավարություն
• Ապահովել «Այբ»-ի գործունեության շարունակական հանրային աջակցություն՝ ընտրելով հաղորդակցության առավել արդյունավետ միջոցներ ըստ թիրախային լսարանների
• Նախաձեռնել իրազեկման և մարկետինգային արշավներ հանրային ու սոցիալական մեդիայում, ընտրել և կիրառել ամենահարմար գործիքները՝ հրավիրելու նպատակային խմբերի ուշադրությունը
• Կատարել իրականացված արշավներից ստացված արդյունքների վերլուծություն
• Լուսաբանել «Այբ»-ի ծրագրերն ու ընթացիկ իրադարձությունները՝ համագործակցելով մյուս բաժինների աշխատակիցների հետ
• Ստեղծել որակյալ հայերեն բովանդակություն, աշխատել անգլերեն ու ռուսերեն տեքստերի հետ` համագործակցելով թարգմանչի և խմբագրի հետ
• Համագործակցել դիզայների հետ՝ ստեղծված բովանդակությանը համապատասխան գրագետ պատկերներ ստանալու համար
• Կատարել հանրային հաղորդակցության հարթակներում «Այբ»-ի գործունեությանն ու ծրագրերին, անհրաժեշտության պարագայում նաև առհասարակ կրթության ոլորտին վերաբերող նյութերի ամենօրյա մշտադիտարկում, կազմել մշտադիտարկման հաշվետվություններ ու վերլուծություններ, հանդես գալ համապատասխան առաջարկներով
• Կատարել հաղորդակցության շարունակական վերլուծություն և հանդես գալ հաղորդակցության արդյունավետության մեծացման տարբերակներով
• Ապահովել «Այբ»-ի գործունեության հաշվետվողականությունը
• Հանդես գալ «Այբ»-ում ներքին հաղորդակցության գործընթացի բարելավման առաջարկներով
• Մասնակցել համայնքային միջոցառումների կազմակերպմանը, լուսաբանել դրանք
• Ուսումնասիրել թվանշային մարկետինգի միտումներն ու նորությունները՝ համապատասխան բովանդակություն ստեղծելու համար
• Մասնակցել դպրոցի համայնքային միջոցառումների կազմակերպմանը, դպրոցական համաժողովներին, դպրոցի ընդհանուր հանդիպումներին, ծնողական հանդիպումներին, ունենալ սեփական ներդրումը դպրոցի համայնքաշինության գործընթացում

Անհրաժեշտ հմտություններ

• Հաղորդակցության առնվազն երեք տարվա աշխատանքային փորձ
• Բարձրագույն կրթություն հաղորդակցության, հանրային կապերի կամ այլ հարակից ոլորտում
• Հայերենի գերազանց, ռուսերեն ու անգլերեն գրավոր և բանավոր խոսքի լավ տիրապետում
• Լուսա- և տեսանկարահանման սարքերից օգտվելու իմացություն
• Թիմային աշխատանքի գերազանց հմտություններ և ցանկություն
• Ներկայացման և հաղորդակցման ձիրք
• Նորարար և ստեղծագործ միտք
• Կազմակերպչական հմտություններ
• Շահառուների կարիքների և սպասելիքների բացահայտման կարողություն
• Հետևողականություն աշխատանքի կատարման մեջ
• Միաժամանակ մի քանի հանձնարարություն կատարելու ճկունություն
• Ժամանակի կառավարման հմտություններ
• Համակարգչային հմտություններ (դիզայներական և մոնտաժային ծրագրերին տիրապետումը կդիտվի որպես առավելություն)

Պահանջվող թեկնածուի մակարդակը: Միջին մակարդակ

Լրացուցիչ տեղեկություն